यसरी सम्झिईए गायक अरुण

काठमाडौँ, ६ साउन । करोडौँ मुटुहरुको ढुकढुकी नेपाल......’ जस्ता अमर गीतका गायक स्वर्गीय अरुण थापामगरको उचित सम्मान हुन नसकेको शनिबार यहाँ आयोजित कार्यक्रमका वक्ताले बताए। 

नेपाली सांगीतिक क्षेत्रका चम्किला नक्षत्र स्व अरुणको १९ औँ स्मृति दिवसको अवसरमा अरुण स्मृति संगीत पुरस्कार–२०७४ वितरण समारोहमा उहाँहरुले स्व अरुणको स्मृति दिवस मनाउन सरकारले कुनै चासो नदिएको गुनासो गर्दै मगर विद्यार्थीले आफ्नो गोजीको पैसा संकलन गरेर विसं २०६१ देखि उनको स्मृति दिवस मनाउँदै आएको बताए । 

विसं २००९ साल माघ ११ गते भारतको कलकत्तामा जन्मिएका स्व थापाको पोखराको पृथ्वीनारायण क्याम्पसमा अध्ययनका बेलादेखि सांगीतिक क्षेत्रमा झुकाव बढ्दै गएको थियो । 

विसं २०२८ मा ‘.....जति माया गरे पनि जति कसम खाए पनि ....’ भन्ने गीत रेडियो नेपालमा रेकर्ड भएपछि अरुणको चर्चा चुलिन शुरु भएको हो । 

विभिन्न देशभक्तिपूर्ण गीतले उनलाई साच्चिनै अमर बनायो भने ‘ऋतुहरुमा तिमी.......’,तथा ‘साँझको जुनसँगै आउँछ तिमी भनेर....’ जस्ता १५० भन्दा बढी कर्ण्प्रिय गीतले उहाँलाई विर्सनै नसकिने स्रोताको ढुकढुकी बनायो । 

विसं २०५६ साउन ५ गते ४७ वर्षको उमेरमा फोक्सोको क्यान्सरको रोगबाट उनको अल्पायुमै असामयिक निधन भयो । कार्यक्रममा नेपाल मगर संघका पूर्वअध्यक्ष यमबहादुर बुढामगरले लोकप्रिय गायिका धनकुमारी थापामगरलाई नेपाली गीत संगीत क्षेत्रमा योगदान गरेको भन्दै अरुण स्मृति संगीत पुरस्कार–२०७४ बाट सम्मान गरे। पुरस्कारको राशी रु १० हजार नगद तथा प्रमाणपत्र रहेको छ । 

त्यस अवसरमा बूढामगरले नेपालको सांगीतिक क्षेत्रको विकासमा मगर समुदायको विशिष्ट योगदान रहेको बताउँदै मगरात क्षेत्र मगर जातिको मात्र नभई देशको नै पहिचान हो भनिन्। 

पुरस्कृत व्यक्तित्व धनकुमारी थापामगरले संगीत क्षेत्रको सफलताका लागि परिश्रम, लगाव तथा मेहनतको खाँचो रहेको औँल्याउँदै मगरजातिको छुट्टै वेषभूषा नेपालको गौरव हो भनिन्। 

गलकोट नगरपालिकाका उपप्रमुख रेणुका थापामगरले स्व अरुण नेपालको सांगीतिक क्षेत्रमा उदाउँदो नक्षत्र भएको र उहाँले सांगीतिक क्षेत्रमा दिनुभएको योगदान विर्सन हुँदैन भनिन्। रासस

 सिर्जनशील सिर्जु

एक दशकअघि काठमाण्डौं आउँदा उनको सीमित सपना थियो ‘पपुलर सिंगर’ बन्ने ।  समय यसरी बदलियो कि उनीसँग यतिबेला धेरै विकल्प एकैचोटी आएका छन् । गायिकाको

\'जब मैले पाईलटको कञ्चटमा पेस्तोल राखें...\'

२८ जेठ २०३०  हामी जहाजभित्र पस्दा ककपिटनेरको एउटा सिट त खाली थियो, अर्कोमा भने एकजना मान्छे बसिसकेका थिए । हाम्रो योजनाअनुसार एउटामा वसन्त

आवाजका धनी दाहाल यज्ञनिधि रहेनन् 

काठमाडौं । शुक्रबार बिहान माइतीघरस्थित अन्नपूर्ण न्यूरो अस्पतालमा दाहाल यज्ञनिधिका आफन्त र शुभेच्छुकहरु निराश स्थितिमा भेटिएका   थिए

   सिजन मिडियाको दशक र सम्मान

काठमाडौं । पूर्व मिस नेपाल शुभेच्क्षा खड्का, अन्तर्राष्ट्रिय कोरियोग्राफर रोजीन शाक्य, , रंगपत्रकार डब्बु क्षत्री लगायत करिब दर्जन ब्यक्ति एकसाथ